连格福仔玩到癫曼联迷:忍够2个死废青

曼联两大主力拉舒福特同连格,近期一直被受魔迷批评,认为渠哋钟意玩多过踢波,不断上网狙击渠哋。但呢两名球星冇受影响,依家约埋去咗迈阿密玩镬劲,刚啱仲着到型一型劲玩Beatbox,连格仲唱得劲投入,台风同歌艺都唔曳喎!但魔迷见到就眼火爆,话另一中场麦汤米尼依家已自动加操、希望来季帮曼联重振雄风,但呢兜友仲喺度Beans Beans Beans,有反曼球迷仲话:已确定曼联来季降班!

曼联上季联赛仅排第6,实际表现坚曳,2名主力福仔同连格,演出都唔合格,福仔于欧联射入12码淘汰巴黎圣日耳门令人印象深刻,但于英超仅取10个入波,令魔迷大失所望。连格就更加离谱,近4季只为曼联造出10个助攻,人哋利物浦右后卫阿历山大阿诺特,上季单单一季就贡献12个助攻。另外连格刚做埋时装大亨,推出自家品牌,唔少球迷都话不如踢好啲波先啦。

麦汤米尼近期已自行加操,希望于来季为红魔带来更好成绩,但连格同福仔就去紧旅行,心情劲好,连格仲劲骚音乐天份,刚上载一段玩Beatbox慨片上IG,入面睇到渠同福仔着得劲潮,两位似乎都对唱歌好有兴趣,其中连格仲七情上面,绝对可以向演艺方面发展。

曼联球迷睇到激嬲:「麦汤米尼细过连格,踢一队亦冇福仔咁耐,但已经识得开始操练,呢两个大哥仲喺度做小丑」、「哗好好听呀,唔知坚尼同笠臣会点睇佢两个呢?」、「麦汤米尼喺巴塞操紧,连格福仔就去迈阿密,唱紧Beans Beans Beans。我哋都知边个适合曼联多啲」、「我好尊重本土年轻球员,但连格似乎净系在意做网上红人。究竟呢2只嘢搞紧乜?」

发表评论

电子邮件地址不会被公开。 必填项已用*标注